🌸 Hartalika Teej Kya Hai?

Hartalika Teej ek pavitra Hindu festival hai jo vishesh roop se ladkiya ichha anusaar pati paane ke liye karti hai aur kuch mahilaon dwara pati ki lambi aayu aur raksha aur khushhaal jeevan ke liye rakhti hai. Ye vrat Shiv aur Parvati Mata ke pavitra milan ki yaad mein rakha jata hai. Is din suhagan aur kanyaen nirjala vrat karti hain aur apne pati ki lambi umar, sukh-samriddhi aur akhand saubhagya ke liye prarthana karti hain.

Hartalika Teej Kab Hai?

Hartalika Teej Bhadrapada Maas ke Shukla Paksha ki Tritiya Tithi ko manai jaati hai. Is din kaise kiya gaya vrat bahut shaktishaali aur faldaayi maana jaata hai.

Hartalika Teej 2025: Kab hai aur kaise manayi jaayegi?

Is saal Hartalika Teej 26 August ko manayi ja rahi hai. Hindu Panchang ke anusaar, Tritiya Tithi ka prarambh 25 August ko dopahar 12:35 baje se hoga aur iska samapan 26 August ko dopahar 1:55 baje hoga. Udaya Tithi ke anusaar, vrat 26 August ko hi rakha jayega.

Hartalika Teej Kyun Manai Jaati Hai?

Importance of Hartalika Teej in Hindu Culture

Is vrat ka sambandh ek kahani se hai. Katha ke anusaar, Mata Parvati ne Shiv ji ko apne pati ke roop mein paane ke liye kathin tapasya ki thi. Unhone apne mata-pita ki ichchha ke viruddh jaakar Shiv ji ko swayamvar ke liye chuna. Is kathin tapasya ke baad Shiv ji ne unhe apna patni ke roop mein sweekar kiya. Tab se mahilaen apne suhag aur pati ki lambi umar ke liye Hartalika Teej ka vrat karti hain.

🪔 Hartalika Teej Pooja Vidhi (Step by Step)

Pooja Se Pehle Ki Taiyaari

1. Subah Snan – Vrat rakhne wali mahila subah snan karti hain aur pavitra vastra pehenti hain.
2. Shringar – Suhagan mahila shringar karti hain (sindoor, bindi, mehendi, chudiyaan, sari).
3. Pooja Sthal Sajja – Mitti ki Shiv-Parvati ki murti banai ya sthapit ki jaati hai, saath mein Ganesh ji ki bhi pooja hoti hai.

Pooja Vidhi

1. Kalash Sthapna – Kalash mein paani bhar kar, aam ke patte aur nariyal rakh kar sthapit kiya jata hai.
2. Shiv-Parvati Virajman – Mitti ki murtio ya tasveeron ko ek chhoti chauki par suhaavti saari ya kapde par rakha jata hai.
3. Pooja Samagri – Phool, akshat (chawal), roli, haldi, mehendi, suhag ki vastu (bindi, chudi, sindoor), dhoop, deepak aur prasad tayyar rakhe jaate hain.
4. Sankalp – Vrati apne mann mein sankalp leti hai ki wo apne pati ki lambi umar aur akhand saubhagya ke liye nirjala vrat karegi.
5. Shiv-Parvati Pooja – Phool, belpatra, dhatura aur akshat Shiv ji ko chadhate hain.
6. Mata Parvati ko suhag ki saamaan (chudi, bindi, mehendi, sindoor) chadhate hain.
7. Dhoop-deep jalakar aarti ki jaati hai.
8. Hartalika Teej Ki Katha – Ratri mein sabhi vrat rakhne wali mahilayen ek saath baithkar Hartalika Teej ki vrat katha sunti hain.
9. Jagran aur Kirtan – kuch log Ratri ko bhajan-kirtan karte hain, aur mahilaen jagran karti hain.

Vrat Udyapan (Agle Din)

Agle din subah snan ke baad Shiv-Parvati ki dobara pooja hoti hai.

Phir vrat tod kar jal, fal aur prasad liya jata hai.

Kuch jagah par daan-dakshina bhi diya jata hai.

👉 Isse akhand saubhagya, sukh-samriddhi aur pati ki lambi umar ka ashirwaad milta hai.

✨ Conclusion

Hartalika Teej sirf ek vrat nahi balki pati-patni ke prem, vishwas aur akhand saubhagya ka prateek hai. Agar aap bhi apne suhag ki raksha aur khushhaal jeevan ki kamna karti hain, to Hartalika Teej vrat aapke liye bahut mahatvapurn hai.